Den 20. Abrëll 2026 fënnt eng interessant QBS Table Ronde (Quality Based Selection) am Sëtz vum OAI statt.

Dës Diskussiounsronn bitt wäertvoll Ablécker an en oppenen Austausch ronderëm d’Thema Quality Based Selection – mat prakteschen Erfarungen a verschiddene Perspektiven.

Ënner anerem wäert och e Member vun der ALBSC un der Diskussioun deelhuelen an seng Erfarunge mat androen.

Eng gutt Geleeënheet fir sech z’informéieren a sech auszetauschen. Datum notéieren an dobäi sinn!

Umeldung via OAI

44 Memberen hunn sech de 16. Mäerz zu Hesper fir d’Assemblée Générale vum ALBSC afonnt. Invitéiert waren och eis Partner vum Veräin souwéi Politiker a Vertrieder aus der Politik.

No dem offizielle Programm vum Owend ass dësen an engem gemittleche gemeinsamen Iessen ausgeklongen.

D’Band AM/FM huet de musikalesche Kader vum Owend gestalt a fir eng flott Ambiance gesuergt.

Den 27. November huet eng Formation continue zur aktueller Gesetzgebung betreffend d’Barrièrefräiheet fir jiddereen an ëffentlech zougängleche Gebaier an op ëffentleche Weeër stattfonnt. Insgesamt hu 100 Persounen deelgeholl.

Am Mëttelpunkt vun der Weiderbildung stoungen déi aktuell Reglementatioun an virun allem d’Fro, wéi gebaut muss ginn, fir dass Mënsche mat enger Behënnerung all Plaz ouni Aschränkunge kënne betrieden. Dobäi goufen d’bautechnesch Ufuerderungen, wéi barrièrefräi Entréen, genuch Beweegungsflächen, Orientéierungshëllefen, technesch Equipementer an déi jeeweileg Normen, am Detail erkläert.

Ausserdeem gouf erkläert, bis wéini bestehend Gebaier mussen ugepasst ginn, fir de gesetzleche Virschrëften ze entspriechen. D’Participanten hunn domat e Iwwerbléck iwwer déi obligatoresch baulich Mesuren kritt, déi noutwenneg sinn, fir eng komplett zougänglech Ëmwelt ze schafen.

D’Veranstaltung huet  e wichtegen Abléck an d’Gesetzgebung fir d’Gemengeresponsabel gebueden.